/p. 22/ voluntate moveri dixerim. Alex. – Non
inficior.
DIALOGUS V
De coelorum motu, centro et polis.
Alex. –
Coelorum motus suntne inter se contrarij?
I. C. – Id philosophantium plebecula
affirmat. Alex. – Imo et Philosophorum
Proceres huic adstipulantur
plebeculae, nec sine rationis fulcro.
I. C. – Eam audire percuperem. Alex. –Accipies.
Contraria sunt quae maxime distant, iccirco
duo ubi, unum in centro, alterum in concavo
ambiente, cum maxime distent, pro contrarijs
agnoscuntur. At coeli partes inter se distant,
contrariae igitur sunt. I. C. – Maior est falsa.
Aliquod enim contrarium esset aliquo alio
contrario magis contrarium, idque sine mediorum
mixtione. Duae namque metae, inter quas
ducentorum passuum intercapedo est, si contrariae
sunt, illae, quarum interstitium fuerit quingentorum
passuum, erunt magis contrariae,
magis enim distant. Addam amplius, si ponitur
in maiori distantia ratio contrarietatis in motu,
esset in capite relationis contrarietas, sicuti multum
Indice
|
Pagine introduttive |
|
LIBER PRIMUS De Coelo et Aere |
|
LIBER SECUNDUS De Aqua et Terra |
|
LIBER TERTIUS De Animalium Generatione et Affectibus quibusdam |
|
LIBER QUARTUS SUBTILISSIMUS De Religione Ethnicorum |